ဒေါက်တာခန့်ညားအောင် ကို ရန်ကုန်တိုင်း ၊ မှော်ဘီမြို့တွင် မွေးဖွားခဲ့သည်။ အခြေခံပညာအထက်တန်းကျောင်း၊ ကန့်ဘလူမြို့ ၊ အခြေခံပညာအထက်တန်းကျောင်း၊ ချပ်သင်းမြို့ နှင့် အမှတ် (၂) အခြေခံပညာအထက်တန်းကျောင်း၊ မရမ်းကုန်း၊ ရန်ကုန်မြို့တို့တွင် ပညာသင်ယူခဲ့ပြီး (၂၀၀၈) ခုနှစ်တွင် တက္ကသိုလ်ဝင်စာမေးပွဲကို ဂုဏ်ထူး (၄) ဘာသာဖြင့် အောင်မြင်ခဲ့သည်။

ဆေးတက္ကသိုလ် (၂) ရန်ကုန်တွင်ဆေးပညာသင်ကြားခဲ့ပြီး (၂၀၁၅) ခုနှစ်တွင် ဆေးပညာဘွဲ့ရရှိခဲ့ကာ အစိုးရဝန်ထမ်း လက်ထောက်ဆရာဝန်အဖြစ်  စဝ်စံထွန်းဆေးရုံ တောင်ကြီးမြို့ နှင့် ပြည်သူ့ဆေးရုံ ရွာငံမြို့တို့တွင် စုစုပေါင်း (၅) နှစ်ကျော်တာဝန်ထမ်းဆောင်ခဲ့သည်။

(၂၀၂၁) ခုနှစ် ဖေဖော်ဝါရီလ စစ်အာဏာသိမ်းပြီးနောက်တွင် Civil Disobedience Movement (CDM)  လှုပ်ရှားမှု ၊ ငြိမ်းချမ်းစွာ ဆန္ဒထုတ်ဖော်မှုများတွင် တက်ကြွစွာပါဝင်ဆောင်ရွက်ခဲ့သည်။

(၂၀၂၂) ခုနှစ်တွင် ဟောင်ကောင်တက္ကသိုလ် (The University of Hong Kong) မှ Ms Noami Molson Scholarship ဖြင့် ပညာသင်ဆုရရှိခဲ့ပြီး Master of Public Health (MPH) ပြည်သူ့ကျန်းမာရေးမဟာဘွဲ့ကို ရရှိခဲ့သည်။

လက်ရှိတွင် ဟောင်ကောင်တက္ကသိုလ် ၊ မျက်စိအထူးကုဌာန တွင် လက်ထောက်သုတေသနအရာရှိ အဖြစ်တာဝန်ထမ်းဆောင်လျက်ရှိပြီး မြန်မာပြည်သူများအတွက် ပြည်သူ့ကျန်းမာရေးလုပ်ငန်းများ၊ ပညာရေးလုပ်ငန်းများ ၊ ကို ဆောင်ရွက်လျက်ရှိပါသည်။

​

ဒေါက်တာခန့််ညားအောင် သည် မြန်မာ့ဂီတတီးခတ်သီဆိုခြင်းကို အထူးနှစ်ခြိုက်ပြီး ကိုယ်တိုင်လည်း စောင်း ၊ ပတ္တလား ၊ စန္ဒယား တူရိယာများကိုတီးခတ်နိုင်သူဖြစ်သည်။ အားလပ်ချိန်များတွင် စာဖတ်ခြင်း ၊ စာရေးခြင်း ၊ ရေဒီယိုအသံသွင်းခြင်း တို့ကို လုပ်လေ့ရှိပြီး အားကစား အဖြစ် ရေကူးခြင်း ၊ စားပွဲတင်တင်းနစ်ရိုက်ခြင်း တို့ကို နှစ်ခြိုက်သည်။​